ԵՐԵՎԱՆ, 22 հուլիսի — Sputnik. Գերմանիայի կանցլեր Անգելա Մերկելը վերջին նոպաներից հետո որոշել է գնալ երկարատև արձակուրդի, հաղորդում է Bild–ը։
Քաղաքական գործչի հանգիստը սկսվել է հուլիսի 20–ին, կարևոր հանդիպումից հետո, այն կտևի 28 օր։ Ենթադրվում է, որ կառավարության ղեկավարն արձակուրդը կանցկացնի Ալպերում։
Հուլիսի 10–ին Բեռլինում Ֆինլանդիայի վարչապետ Անտի Ռինեի հետ հանդիպման ժամանակ հանրության առջև Անգելա Մերկելի մոտ գրանցվել է ցնցման երրորդ նոպան։ Մինչ այդ նմանատիպ նոպաներ են Մերկելն ունեցել է ԳԴՀ նախագահ Ֆրանկ Վալտեր Շտայնմայերի և Ուկրաինայի նախագահ Վլադիմիր Զելենսկու հետ բանակցությունների ժամանակ։
Մերկելը հայտարարել է, որ ինքն առողջական խնդիրներ չունի, բայց այդ նոպաները հակառակն են վկայում։ Բժիշկների կարծիքով` նա տառապում է «օրթոստատիկ տրեմորով», որը սովորաբար լինում է 50-60 տարեկան մարդկանց մոտ։