ԵՐԵՎԱՆ, 22 հուլիսի – Sputnik. Chrome-ում կամ Chrome OS-ում գտնված թերությունների համար նախատեսված պարգևավճարների չափը մեծացել է։ Այս մասին նշված է Google–ի պաշտոնական կայքում։
Սովորական խոցելիությունը Google-ը գնահատել է 15 հազար դոլար, ավելի վաղ դրա համար վճարում էին երեք անգամ քիչ՝ 5 հազար դոլար։ Մանրամասն բացատրության դեպքում խոցելիությունը բացահայտող կպարգևատրվի 30 հազար դոլարով, որի համար ժամանակին վճարում էին 15 հազար դոլար։
Առավելագույն վարձատրությունը կարելի է ստանալ այն բացերի համար, որոնք կարող են Chrome OS-ի միջոցով (հյուրի ռեժիմում) վարկաբեկել Chromebook-ը կամ Chromebox-ը: Նախկին 100 հազար դոլարի փոխարեն հիմա դրա համար 150 հազար դոլարով կպարգևատրեն։
Չինական ընկերությունը ծաղրում է «մազափնջով» սմարթֆոնները. տեսանյութ
Հիշեցնենք, որ Google-ը պարգևատրման իր ծրագիրը գործարկել էր 2010 թվականին։ Այդ պահից սկսած ընկերությունը սխալների մասին 8,5 հազար հաղորդագրություն է ստացել և դրանց համար վճարել ավելի քանի 5 միլիոն դոլար։
Այ քեզ բան. թարգմանիչը հոլոգրաֆիկ է դարձել, Instagram–ը` կոտրվող, «պամպերսը»՝ խելացի