ԵՐԵՎԱՆ, 21 հուլիսի – Sputnik. Կիևում տեղամասային ընտրական հանձնաժողովներից մեկի նախագահն աշխատավայրում ալկոհոլի ազդեցության տակ է եղել: Ինչպես հայտնում է РИА Новости–ն, նրան տուգանք է սպառնում։
Աղբյուրի համաձայն՝ կեսօրին ոստիկանության Դնեպրի բաժինը հաղորդագրություն է ստացել, որ տեղամասային ընտրական հանձնաժողովի նախագահը գտնվում է ոչ սթափ վիճակում: Ոստիկանության աշխատակիցները ստուգել են տեղեկատվությունը ալկոտեստերի միջոցով, որը ցույց է տվել 2.33 պրոմիլ ալկոհոլի արդյունք:
Ոստիկանությունը զեկուցագիր է պատրաստել «գարեջրի, ալկոհոլային կամ ցածր ալկոհոլային խմիչքների կիրառումը աշխատավայրում» հոդվածով` նշված անձի նկատմամբ վարչական իրավախախտման վերաբերյալ, որի պատիժը նախատեսում է տուգանք:
Զելենսկին ցրել է Գերագույն ռադան. նա խնդրում է չեղարկել պատգամավորների անձեռնմխելիությունը
Նշենք, որ Ուկրաինայում այսօր անցկացվում են արտահերթ ընտրություններ, որին մասնակցում է 24 կուսակցություն և 3.22 հազար անհատ թեկնածու: Պատգամավորների կեսը (225 մարդ) կընտրվի կուսակցական ցուցակներով, իսկ մնացած մասը՝ մեծամասնական ընտրատարածքներում: Ընտրություններին կարող են մասնակցել միայն կուսակցությունները: Անցողիկ շեմը 5%–ն է: