ԵՐԵՎԱՆ, 21 հուլիսի — Sputnik. Կենսաբանության 30-րդ միջազգային օլիմպիադայում Հայաստանը ներկայացնող Արմեն Պետրոսյանն արժանացել է բրոնզե մեդալի։
Այս մասին Facebook-յան իր էջում գրել է ՀՀ կրթության, գիտության, սպորտի և մշակույթի նախարար Արայիկ Հարությունյանը։
«Հունգարիայի Սեգեդ քաղաքում հուլիսի 14-21-ն անցկացված Կենսաբանության 30-րդ միջազգային օլիմպիադային Կապանի թիվ 2 ավագ դպրոցի 12-րդ դասարանի սան Արմեն Պետրոսյանն արժանացել է բրոնզե մեդալի, իսկ Հերացի ավագ դպրոցի աշակերտ Կուրղինյան Մհերը ՝ գովասանագրի: Նախորդ տարի մեր թիմին չէր հաջողվել մեդալ նվաճել Իրանում կայացած օլիմպիադայում»,–տեղեկացրել է նախարարը և հավելել, որ ուրախալի է, որ մեդալ նվաճած Մհեր Պետրոսյանը ներկայացնում է մարզային դպրոց:
Արայիկ Հարությունյանը շնորհավորել է մեր ամբողջ թիմին:
Հիշեցնենք, որ հուլիսի 15–ին Ֆիզիկայի միջազգային օլիմպիադայում մեր դպրոցականների թիմը նվաճել էր միանգամից հինգ մեդալ` հինգ բրոնզ