ԵՐԵՎԱՆ, 19 հուլիսի - Sputnik. Հայաստանի հավաքականի և «Սոչի» ռուսական ՖԱ-ի հարձակվող Ալեքսանդր Կարապետյանը Sport24-ին տված հարցազրույցում պատմել է, որ իրեն հաճախ են շփոթում UFC-ի իռլանդացի մարտիկ Քոնոր Մաքգրեգորի հետ։
Որպես օրինակ «հայ Մաքգրեգորը» մեջբերեց Շոտլանդիայում տեղի ունեցած մի դեպք։
«Երբ մենք տղաների հետ դուրս էինք եկել զբոսնելու, դիտկոտեկով բար գտանք։ Ես զուգարան մտա, և իմ շուրջն անմիջապես սկսեցին մարդիկ հավաքվել։ Նայում էին և ասում. «Դու կհաղթես հաջորդ մենամարտում, հաջողություն քեզ»։ Շփոթել էին Քոնորի հետ, պատահում է։ Թերթերում ևս սկսեցին գրել ՄաքԿարապետյան»,-ասել է հարձակվողը։
Կարապետյանը «Սոչի» ՖԱ է տեղափոխվել ընթացիկ խաղաշրջանից առաջ, այստեղ նրան ամեն ինչ դուր է գալիս։ Իսկ հայերի մեծ քանակը հիշեցնում է հայրենիքի մասին։
Հայ մարզիկները Ռուսաստանում նոր ռեկորդներ են սահմանել և կարող են Գինեսի գրքում հայտնվել
«Տղաների հետ ճաշելու էինք գնում՝ ինձ անմիջապես ճանաչում էին. ասում էին` «Եղբայր, եղբայր»։ Ինչպես Երևանում»,-ավելացրեց ֆուտբոլիստը։
Տաքսիստներից ոմանք նույնիսկ չէին ուզում գումար վերցնել հայ ֆուտբոլիստից։
Ալեքսանդրը շուրջ 20 տարի ապրել է Եվրոպայում։