ԵՐԵՎԱՆ, 20 հուլիսի — Sputnik. Ասորական համայնքի ներկայացուցիչ Իրինա Սագրադովա-Գասպարյանը բաց նամակով դիմել է ՀՀ վարչապետ Նիկոլ Փաշինյանին ու Ն.Ս.Օ.Տ.Տ. Գարեգին Բ Ամենայն Հայոց Կաթողիկոս Գարեգին Բ–ին։ Նա նամակը հրապարակել է Facebook-ի իր էջում։
Սագրադովա-Գասպարյանը Արարատի մարզի Դիմիտրով գյուղի քահանա Տեր Միքայել Նուրիջանյանին ու նրա տիկնոջը` նույն գյուղի դպրոցի տնօրենին, մեղադրում է գյուղի ասորական եկեղեցու սրբապատկերները ոչնչացնելու համար։
«Այսօր ասորական եկեղեցում այրում էին ասորական իկոնաները, մեր խաչը, իսկ մյուս խաչը մի անկյունում էր գցած (հետագա գործողություններից տեղյակ չենք)»,– գրում է բաց նամակի հեղինակը։
Սատանան մանրուքներում է. ինչու են Գյումրու գլխավոր եկեղեցին անվանում «Յոթ վերք»
Իրինա Սագրադովա-Գասպարյանն արձանագրում է, որ Հայաստանի իշխանությունն ու Հայ Առաքելական Եկեղեցին այս խնդրի շուրջ շարունակում են լռել, ինչը թույլ է տալիս ենթադրելու, որ կատարվածը նրանց հրահանգով է։
«Քանի որ մենք Ձեզանից պատասխան չենք ստացել, ինչը հիմա դարձել է սովորական երևույթ, ապա հուլիսի 22-ից մենք դիմելու ենք Ռուսաստանի, ԱՄՆ-ի դեսպանատներ և ասորական բոլոր միջազգային կազմակերպություններին այն հայտարարությամբ, որ Հայաստանում բավական չէ` զավթում են ասորական եկեղեցիները, նաև ոչնչացնում են ասորական ժողովրդին պատկանելիության հետքերը»,– նշված է նամակում։
Սուրբ Նահատակաց եկեղեցի. ինչպես Հայաստանի կաթոլիկները մայր տաճար ունեցան