ԵՐԵՎԱՆ, 18 հուլիսի — Sputnik. Արմավիրի մարզի Մրգաշատ համայնքի գյուղապետի տեղակալն այսօր բերման է ենթարկվել։
Sputnik Արմենիայի տեղեկություններով՝ 31–ամյա ղեկավարի տեղակալը կասկածվում է Մրգաշատ գյուղի 25-ամյա մի բնակչին ծեծի ենթարկելու մեջ։
Երիտասարդը տեղափոխվել էր Արմավիրի հիվանդանոց , որտեղ պարզվել էր, որ քթոսկրը կոտրված է։ Նա հայտնել է, որ վնասվածքը ստացել է ավտոտնակի դիտահորը ընկնելու հետևանքով։
Բայց պարզվել է, որ նա ստել է։ Գյուղում խոսում են, որ նրանց վեճի պատճառը իրար հետ ունեցած գումարային խնդիրներն են։