Քարաթափում Վայոց ձորում. առկա է ավելի մեծ քարերի ընկնելու վտանգ. տեսանյութ

ԵՐԵՎԱՆ, 17 հուլիսի — Sputnik. Այսօր առավոտյան Վայոց ձորի մարզի «Չարքյանդ» կոչվող ոլորանների մոտակայքում տեղի է ունեցել քարաթափում. առկա է եղել ավելի մեծ քարերի ընկնելու վտանգ։ Այս մասին հայտնում է ՀՀ արտակարգ իրավիճակների նախարարությունը։

«Դեպքի վայր են մեկնել ԱԻՆ մարզային ճգնաժամային կառավարման կենտրոնի օպերատիվ խումբը և հատուկ նշանակության փրկարարական աշխատանքների իրականացման կենտրոնի փրկարարական ջոկատը: Պարզվել է, որ Վայք-Ջերմուկ ավտոճանապարհի 10-րդ կմ-ին տեղի է ունեցել քարաթափում (2 քար՝ 0,1 խմ)»,–գրված է ԱԻՆ–ի հաղորդագրության մեջ։

Քարաթափման հետևանքով մահացածները մայր ու դուստր են. նոր մանրամասներ

Քարերն ընկել են ոչ երթևեկելի հատվածում։

Փրկարարները սահմանազատել են տարածքը: Կտրվի լրացուցիչ տեղեկություն:

Հիշեցնենք, որ Ալավերդիից Վրաստան տանող ճանապարհին հուլիսի 14–ին տեղի էր ունեցել քարաթափում, որի հետևանքով քարերից մեկն ընկել էր մեքենայի վրա ու երկու մարդ էր մահացել` 35–ամյա մայրը և նրա 12–ամյա դուստրը։