ԵՐԵՎԱՆ, 16 հուլիսի - Sputnik. Ռուսաստանի Անվտանգության դաշնային ծառայության սահմանապահ վարչության աշխատակիցները կանխել են «Ագարակ» հսկիչ–անցակետով Իրանից Հայաստան անօրինական կերպով թմրանյութեր ներկրելու փորձը, հաղորդում է վարչության մամուլի ծառայությունը։
Անօրինական բեռը նկատել են հուլիսի 14–ին ԻԻՀ քաղաքացու վարած մեքենան զննելու ընթացքում։
Թմրանյութերի մաքսանենգության փորձ` Հայաստան - Իրան սահմանին. ԱԴԾ-ն կանխել է
Սահմանապահները ծառայողական շան հետ միասին գտել են սպիտակ գույնի բյուրեղանման զանգվածով փաթեթ, որը, ենթադրաբար, մեթամֆետամին է։ Արգելված նյութերը թաքցված են եղել ավտոմեքենայի նստատեղի տակ։
Հայտնաբերված փաթեթը փոխանցվել է Հայաստանի իրավապահ մարմիններին` փորձաքննություն անցկացնելու և միջադեպի բոլոր հանգամանքները պարզելու համար։ Իրանի քաղաքացին ձերբակալված է։
Տրամադոլ, մեթադոն, կոդեին... ՊԵԿ–ը կանխել է թմրանյութերի տեղափոխման մի շարք փորձերը