ԵՐԵՎԱՆ, 14 հուլիսի –Sputnik. Հայտնի Comedy Woman շոուի հեռուստահաղորդավարուհի Նատալյա Եփրիկյանը Instagram–ի իր էջում լուսանկար է տեղադրել, որում նա հայ դիզայների զգեստով է։
Հայ միլիոնատերը Comedy Woman-ի անդամների համար էքսկուրսիա է կազմակերպել Երևանում.տեսանյութ
«Նուրբ, իմաստուն, հայկական խիզախությամբ և թբիլիսյան հմայքով` @katshnellaofficial դիզայների մասին։ Ամեն ինչ անհավանական գեղեցիկ է, յուրաքանչյուր զգեստ եզակի նմուշ է, իսկ դա նշանակում է միայն ձերն է... Ինչպես հասկանում եք, այս զգեստը միայն իմն է», – գրել է նա` շնորհակալություն հայտնելով դիզայներ Քաթրին Միրզոյանին։
Նատալյան նկարում պատկերված է արտասովոր գորգի վրա, որի մասին ևս որոշել է հիշատակել. «Գորգն իմ անձնականն է, անձամբ եմ գործել, նմանն այլևս չկա, և չի լինի»։
«Վախ, փալասն ի՞նչ արժե», –gulya_shah անունով օգտատերը լրջորեն հետաքրքրվել է գորգով` որոշելով պարզել գինը, սակայն հեռուստահաղորդավարը խիստ նշել է. «Ասացի, չի վաճառվում»։
Իսկ ահա Նատալյայի մեկ թևքով ու ընձառյուծի նախշազարդի տպագրությամբ զգեստը (նոր թրենդ) և, հատկապես, կոշիկները ոչ բոլորն են հավանել. «Նատալյայի բարձրակրունկներն ավելի մեծ են, քան ինքը` Նատալյան», – գրել է օգտատերերից մեկը։ «Ինչի՞ համար է այդ թևքը։ Տարօրինակ զգեստ է», – չի դիմացել մյուսը։
Ավելի վաղ Նատալյա Եփրիկյանը բավականին արտասովոր ձևով շնորհավորել էր հայտնի երգիչ Սերգեյ Լազարևի ծննդյան օրը։ Comedy Woman–ի աստղը Instagram–ում մերկ լուսանկար էր հրապարակել` ի աջակցություն Լազարևին։ Սակայն բանն այն է, որ երաժիշտը ինքն էր մեկ օր դրանից առաջ անկողնում մերկ լուսանկար տեղադրել` համացանցում «մերկմեջք» հեշթեգով ֆլեշմոբ հայտարարելով։