ԵՐԵՎԱՆ, 11 հուլիսի – Sputnik. Լինելով արտաքին անվտանգության հետ կապված պետական ծառայության տեսակ՝ ԱԳՆ-ն կիրառում է սոցիալական մեդիայում վարվելակերպի կանոններ՝ հիմնված «Դիվանագիտական ծառայության մասին» օրենքի և «Դիվանագետի էթիկայի կանոնների» դրույթների վրա։ Facebook սոցիալական ցանցի իր էջում այս մասին գրել է ՀՀ ԱԳՆ մամուլի խոսնակ Աննա Նաղդալյանը։
«Վերջիններս խախտելու համար, մասնավորապես աշխատանքային պարտականությունների կատարմանը սոցիալական ցանցերում շփումը գերադասող որոշ դիվանագետներ, անկախ աստիճանից, արդեն իսկ ստացել են»,– նշել է նա։
Ըստ Նաղդալյանի` նման կանոնների կիրառումը ընդունված պրակտիկա է շատ երկրներում ու մենք որպես թվային դիվանագիտության միջազգային սանդղակում առաջատար պետություն չենք պատրաստվում անտեսել այդ կարևոր գործոնը:
Լեհաստանի դեսպանին կանչել են ՀՀ ԱԳՆ` պարզաբանումներ տալու
ԱԳՆ խոսնակը շեշտել է` ԱԳՆ-ում կա զրո հանդուրժողականություն ծառայողական կանոնակարգերի խախտման հանդեպ:
Հայաստանի և Ռուսաստանի ԱԳՆ ներկայացուցիչները քննարկել են հյուպատոսական խնդիրներ
Նշենք, որ «Ժամանակ» թերթն այսօր գրել էր, թե արտաքին գործերի նախարար Զոհրաբ Սնացականյանը տեռորի է ենթարկում համակարգը: Ըստ պարբերականի` Մնացականյանն իր ենթականերին արգելել է որևէ ակտիվություն դրսևորել սոցիալական ցանցերում և ընդհանրապես պահանջել է զերծ մնալ հրապարակային ակտիվության ցանկացած դրսևորումից: «Սնացականյանի ուշադրության կենտրոնում են հատկապես իր տարիքային խմբի ներկայացուցիչները, որոնց Զոհրաբյանը կասկածում է իր պաշտոնի վրա աչք ունենալու մեջ: Համակարգի ներկայացուցիչները մտավախություն ունեն, որ «վհուկների որսը» կարող է ավելի արմատական դրսևորումներ ստանալ»,-գրել էր թերթը։