ԵՐԵՎԱՆ, 9 հուլիսի – Sputnik. Տավուշի մարզի Դիլիջան քաղաքում այսօր` հուլիսի 9-ին, 26 տարեկան երիտասարդի են սպանել։
Sputnik Արմենիայի տեղեկություններով` 26-ամյա Գուրգեն Ղալեչյանը շտապօգնության մեքենայով Դիլիջանի հիվանդանոց է տեղափոխել քաղաքի «Թախտա» կոչվող թաղամասից։
Փողոցում ընկած երիտասարդին տեսել են պատահական անցորդները և զանգել շտապօգնություն։ Արդեն բժշկական կենտրոնում արձանագրվել է երիտասարդի մահը։
Դիլիջանում դանակահարել են Պարզ լիճ հանգստյան գոտու փոխտնօրենին. մանրամասներ
Նախնական տվյալներով` նա դանակի ավելի քան հինգ հարված է ստացել մարմնի տարբեր մասերին։ Դեպքը տեղի է ունեցել Դիլիջանի Հակոբջանյան փողոցում, որտեղ մի քանի երիտասարդի մասնակցությամբ խմբակային վեճ ու ծեծկռտուք է եղել։
Այդ ընթացքում Գուրգեն Ղալեչյանը մտել է փողոցում գտնվող տներից մեկի բակ։ Նրան հետապնդել են ու հենց բակում դանակի բազմաթիվ հարվածներ հասցրել։ Այնուհետև կռիվը դադարել է, դանակահարված երիտասարդին հեռացրել են տարածքից ու գցել «Թախտա» կոչվող թաղամասում։
Ըստ Դիլիջանում շրջանառվող լուրերի` վեճի պատճառը եղել է մի աղջիկ, որի նկատմամբ և՛ մահացածը, և՛ միջադեպի մասնակիցներից մեկը անտարբեր չեն եղել։
Մեր տեղեկություններով` ոստիկանությանը հայտնի է մասնակիցների ինքնությունը, այժմ ծավալուն որոնողական աշխատանքներ են իրականացվում։
Ինքնասպանություն անքնության պատճառո՞վ. Աշտարակում 93–ամյա տղամարդ է կախվել