Ցանկալի չէ լողալ Սևանա լճի այն հատվածներում, որոնցում ջրիմուռների կուտակումներ կան, քանի դեռ լճից վերցված փորձանմուշի պատասխանները չկան: Այս մասին Sputnik Արմենիայի հետ զրույցում ասաց Հիդրոէկոլոգիայի և ձկնաբանության ինստիտուտի տնօրեն Բարդուղ Գաբրիելյանը:
Նրա խոսքով՝ կապտականաչ ջրիմուռները մարդկանց համար վտանգավոր են։
Կանաչ Սևանն արդեն նաև գարշահոտություն է տարածում. թռչուններն էլ են փախե՞լ. տեսանյութ
«Լճի կանաչած հատվածում ոչ միայն չի կարելի լողալ, այլև ջուրը խմելն է արգելվում։ Ջրիմուռները մարդկանց մոտ կարող են ալերգիկ երևույթներ առաջացնել, իսկ կենդանիների շրջանում՝ անկման պատճառ դառնալ»,- նշեց Գաբրիելյանը։
Նախարարը չի բացառում, որ Սևանից կհանվի իշխանի բուծման ցանցավանդակային տնտեսությունը
Նա նկատեց, որ կապտականաչավուն ջրիմուռների ի հայտ գալը որոշակիորեն ազդել է նաև Սևանա լճի ֆաունայի վրա։ Ի դեպ, օրերս Շրջակա միջավայրի նախարարությունը ևս տեղեկություն էր տարածել Սևանա լճի էկոլոգիական վիճակի և իրանակացված քայլերի վերաբերյալ։