«Ընդհանրապես, Հայաստանում տրանսպորտը խայտառակ վիճակում է և՛ միջմարզայինը, և՛ քաղաքայինը»,-ասել է Չիլինգարյանը։
Նա ցավով արձանագրում է, որ Հայաստանը տարածաշրջանային մյուս երկրների հետ համեմատած ամենահետամնաց տրանսպորտային համակարգն ունի։
Բոլորս էլ ուղևորներ են`, երթևեկում ենք ու բոլորս էլ տեսնում ենք, թե ինչ խայտառակ վիճակում են երթուղայինները։ Եվ հենց դրա պատճառով էլ տեղի են ունենում նման վթարներ` անդառնալի հետևանքներով։
Հիշեցնենք` հուլիսի 6-ին , ժամը 15:15-ին «911» ծառայությունը տեղեկություն էր ստացել, որ Արարատի մարզում տեղի է ունեցել ՃՏՊ. բախվել էին երեք ավտոմեքենա, որոնց թվում` «Գազել» մակնիշի ուղևորատար ավտոմեքենա։ 6 մարդ զոհվել էր 12–ը` տուժել։
Վթարի պահին ավտոմեքենաներում հրդեհ էր առաջացել, որից առավելագույնը տուժել էր «Գազել» ավտոմեքենան։ Դրա ուղևորները ողջ–ողջ այրվել էին ավտոմեքենայի սրահում` չհասցնելով դուրս գալ։