Քաղաքագետը որպես օրինակ նշել է կոռուպցիայի դեմ պայքարի սինգապուրյան փորձը․«Սինգապուրի ղեկավարը կոռուպցիայի դեմ պայքարն սկսեց հենց իր շրջապատից»,- նշում է Բոզոյանը։
Հաջորդ կարևոր քայլը, ըստ քաղաքագետի, Հայաստանում ավելի նպաստավոր ներդրումային միջավայր ստեղծելն է։
«Մենք պետք է ավելի գրավիչ պայմաններ առաջարկենք, քան հարևան երկրները։ Մինչդեռ, օրինակ՝ հարկային բեռը հարևան Վրաստանում անհամեմատ թեթև է»,- նկատում է մասնագետը:
Քաղաքագետի խոսքով՝ մեր տարածաշրջանում ներդումները շաղկապված են քաղաքականության հետ։ Այստեղ ներդրումներ անելու համար շահագրգռված են Արևմուտքն ու Ռուսաստանը։ Արևմուտքի համար Հայաստանը հրապուրիչ կլինի ղարաբաղյան խնդրի կարգավորման և կոմունիկացիաների բացման պարագայում։ Մինչդեռ Ռուսաստանը շահագրգաված է իր շահերը պահպանել Հայաստանում․Վրաստանում նա կորցրել է իր ազդեցությունը, իսկ Արդրբեջանում քիչ է։ Միակ երկիրը, որտեղ Ռուսաստանը շահագրգրված է ուղղորդել իր ներդրումները, Հայաստանն է: Իսկ դրանք արագացնելու համար մեր երկրում պետք է կանախատեսելի և վստահելի լինի իշխանությունը։