ԵՐԵՎԱՆ, 7 հուլիսի — Sputnik. ՌԴ ԱԳՆ պաշտոնական ներկայացուցիչ Մարիա Զախարովան Facebook սոցիալական ցանցի իր էջում շարունակում է լուսանկարներ հրապարակել Հայաստանից։
«Դիլիջանի Հաղարծին վանքը», «Սևանա լիճ», - լուսանկարներներին կից գրել է Զախարովան: Էջի հետևորդները հաճոյախոսություններից բացի նաև խորհուրդ են տվել Մարիային անպայման համտեսել Սևանա լճի իշխանը:
«Լինել Սևանում և չհամտեսել իշխան ձուկը, դա մեղք է»,- գրել է հետևորդներից մեկը, իսկ մյուսն էլ առաջարկել է Զախարովային մնալ Հայաստանում . «Մարիա ջան, դուք հրաշք եք, մնացեք Հայաստանում»:
Հիշեցնենք, որ հայաստանյան բացօթյա ռեստորանում արված լուսանկարների նկարագրություններում Զախարովան գրել էր. «Երևանում։ Հոգիս երկինք է թռչում»:
Facebook -յան հետևորդներն անմիջապես արձագանքել էին Զախարովայի հրապարակմանը։ Նրանցից մեկը հարցրել էր` իսկ ուր է խորովածը` հավելելով, որ իր կարծիքով հայկական խորովածը լավագույնն է։
Զախարովան էլ կատակել էր, թե ձեռքերը զբաղված էին, խորովածը նկարելու ժամանակ չկար։
Նշենք, որ Մարիա Զախարովան Երևանում է Հայ–ռուսական քաղաքական խորհրդակցություններին մասնակցելու համար, որոնց մեկնարկը նախանշված է առաջիկա երկուշաբթի` հուլիսի 8-ին։
Այդ միջոցառման մասին այլ մանրամասներ այս պահին հայտի չեն։