ԵՐԵՎԱՆ, 7 հուլիսի – Sputnik. Աշխարհահռչակ երաժիշտ Սթիվի Ուոնդերը լոնդոնյան համերգի ժամանակ՝ անմիջապես բեմից խոստովանել է, որ այս տարվա սեպտեմբերին երիկամի փոխպատվաստման վիրահատություն կտանի: Այս մասին գրում է Daily Mail-ը:
69-ամյա երաժիշտը մանրամասնել է, որ համապատասխան դոնորն արդեն կա:
«Ես լավ եմ, ամեն ինչ լավ է, դոնոր ունեմ, և ամեն ինչ լավ կլինի»,-ասել է երգիչը: Երկրպագուներն, ի նշան աջակցության, ծափահարել են նրան:
Երաժշտի խոսքով՝ նախքան վիրահատությունն ինքը ևս մի քանի շոու կկազմակերպի, այնուհետև կգնա հանգստանալու, որպեսզի դրանից հետո վիրահատվի:
Սամվել Կարապետյանի դուստրը Լոնդոնում է․ ի՞նչ է նա կորցրել մառախլապատ Ալբիոնում․ լուսանկար