ԵՐԵՎԱՆ, 7 հուլիսի — Sputnik. ՀՀ ԿԳ նախարար Արայիկ Հարությունյանին մտահոգել է Կապանի թիվ 1 հիմնական դպրոցի անմխիթար վիճակը։ Այսօր, այնտեղ կատարած իր այցի ընթացքում, նախարարը ելքեր է քննարկել` դպրոցը վերանորոգելու համար։
Այս մասին տեղեկանում ենք Հարությունյանի Facebook-ի էջից, որտեղ նա նաև անմխիթար իրավիճակը փաստող լուսանկարներ է տեղադրել։
«Քաղաքապետ Գևորգ Փարսյանի հետ քննարկեցինք այս դպրոցի հարցը, ինչպես նաև դպրոցի տարածքի մի մասում թեթև աթլետիկայի դպրոց կառուցելու հնարավորությունը:
Կապանն այս մարզձևում ունի մեծ ավանդույթներ, և մասնագիտացված դպրոցի առկայությունն անհրաժեշտություն է»,–գրել է նախարարը:
Հիշեցնենք, որ այս տարվա փետրվարին Արայիկ Հարությունյանը ասել էր, որ 2019 թվականի ընթացքում Հայաստանում հիմնովին կվերանորոգվի 7 ավագ դպրոց: