ԵՐԵՎԱՆ, 6 հուլիսի — Sputnik. ՌԴ ԱԳՆ պաշտոնական ներկայացուցիչ Մարիա Զախարովան Facebook սոցիալական ցանցի իր էջում լուսանկարներ է հրապարակել Հայաստանից։
«Երևանում։ Հոգիս երկինք է թռչում»,– գրել է Զախարովան` հայաստանյան բացօթյա ռեստորանում արված լուսանկարների նկարագրություններում։
Ֆեյսբուքյան հետևորդներն անմիջապես արձագանքել են Զախարովայի հրապարակմանը։ Նրանցից մեկը հարցրել է, թե որտե՞ղ է խորովածը` հավելելով, որ իր կարծիքով հայկական խորովածը լավագույնն է։
Զախարովան էլ կատակել է, թե ձեռքերը զբաղված էին, խորովածը նկարելու ժամանակ չկար։
Նշենք, որ Մարիա Զախարովան Երևանում է` Հայ–ռուսական քաղաքական խորհրդակցություններին մասնակցելու համար, որոնց մեկնարկը նախանշված է առաջիկա երկուշաբթի` հուլիսի 8-ին։
Այդ միջոցառման մասին այլ մանրամասներ այս պահին հայտի չեն։