ԵՐԵՎԱՆ, 4 հուլիսի — Sputnik. Հավաքական անվտանգության պայմանագրի կազմակերպության (ՀԱՊԿ) շրջանակում ստեղծված ճգնաժամային արձագանքման կենտրոնը ծառայում է որպես հիմնական կապող օղակ ճգնաժամային իրավիճակներում արձագանքման ընդհանուր համակարգում։ Այս մասին Sputnik Արմենիա մուլտիմեդիոն մամուլի կենտրոնում կայացած տեսակամուրջի ժամանակ ասաց Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի պաշտոնակատար Վալերի Սեմերիկովը։ Կենտրոնը վերջերս է ստեղծվել և կարևոր ճյուղ է դարձել կազմակերպության աշխատանքի արդյունավետության բարձրացման առումով։
«ՀԱՊԿ Ճգնաժամային արձագանքման կենտրոնը զբաղվում է պետությունների պատասխանատվության գոտում ռազմաքաղաքական իրադրության մոնիտորինգի հարցերով, ճգնաժամային իրավիճակների նախադրյալները բացահայտելով և համապատասխան իրավիճակի վերլուծությամբ», – ասաց Սեմերիկովը` պատասխանելով Sputnik Արմենիայի հարցին։
Նրա խոսքով` կենտրոնի գործառույթների մեջ մտնում է պատկան կառույցների տեղեկատվական–վերլուծական գործունեության ապահովումը։
Սեմերիկովն ասաց, որ ճգնաժամային արձագանքման կենտրոնի շնորհիվ հնարավոր է լինում զգալիորեն կրճատել արտակարգ իրավիճակներում արագ արձագանքման ժամկետները, ինչը փորձարկվել է վերջերս կայացած գործարար խաղի ընթացքում։
Հիշեցնենք, որ ներկա պահին ՀԱՊԿ կազմի մեջ մտնում են վեց պետություններ` Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։