ԵՐԵՎԱՆ, 4 հուլիսի — Sputnik. Ռուսաստանի ԱԳՆ պաշտոնական ներկայացուցիչ Մարիա Զախարովան ԵԱՀԿ ներկայացուցիչներին է վերահասցեագրել հարցն այն մասին, թե ԵԱՀԿ անդամ երկրների ԱԳՆ ղեկավարների ոչ պաշտոնական հանդիպման ընթացքում քննարկվելու են արդյոք հետխորհրդային տարածքի հակամարտությունները և, մասնավորապես, ղարաբաղյան հակամարտությունը։
«Կարծում եմ, որ գերակայության սկզբունքով առանձնացված թեմաների հարցում պետք է խոսի կազմակերպությանը։ Իմ կողմից կասեմ, որ բոլոր թեմաները, որոնք կան ԵԱՀԿ օրակարգում (հաշվի առնելով տարբեր երկրների ներկայացուցիչների մասնակցությունն այդ միջոցառմանը), քննարկվելու են ինչպես բազմակողմ, այնպես էլ այլ ձևաչափերում», – նշել է Մարիա Զախարովան` պատասխանելով այն հարցին, թե շարունակվելու է արդյոք Ղարաբաղի հարցով երկխոսությունը, որը վերջին շրջանում, ինչպես ընդունված է կարծել, ակտիվացել է։
Նրա խոսքով` ԵԱՀԿ ներկայացուցիչները պետք է մեկնաբանեն հիմնական տոնայնությունը։
Գալստյան. «Ադրբեջանը երբեք չի հրաժարվել ղարաբաղյան խնդրի վերաբերյալ իր մոտեցումներից»
Նշենք, որ ԵԱՀԿ ոչ պաշտոնական նախարարական հանդիպումն ավանդական միջոցառում չէ։ 2016թ–ին նման ձևաչափով նիստ անցկացնելու նախաձեռնությամբ հանդես է եկել Գերմանիան իր նախագահության ժամանակ։
Սովորաբար նախարարները հավաքվում են տարին մեկ անգամ դեկտեմբերին ԵԱՀԿ ԱԳՆ ղեկավարների խորհրդի նիստի շրջանակում։ 2019թ–ին այն տեղի կունենա Բրատիսլավայում։
Փաշինյանն ընդունել է Կասպշիկին. Ղարաբաղյան հակամարտության հարցն է քննարկվել