ԵՐԵՎԱՆ, 2 հուլիսի – Sputnik. Մեր տեղեկություններով՝ այսօր արտակարգ դեպք է տեղի ունեցել մայրաքաղաքում: Շտապօգնության խումբը կանչով մեկնել է Աջափնյակ վարչական շրջանում գտնվող Բաշինջաղյան փողոցի տներից մեկը:
Ըստ փողոցի բնակիչների՝ երբ բժիշկները մտել են տուն, ինքնազգացողությունը վատացած 55-ամյա տղամարդուն օգնություն ցույց տալու, նա դանակով հարձակվել է բժշկի վրա՝ սպառնալով սպանել: Ներկաները բռնել են նրան ու խլել դանակը՝ կանխելով հնարավոր ողբերգական հետևանքները:
Մեքենան արագ վարելը` դանակահարության պատճառ. զինծառայող երիտասարդին վիրահատել են
Բաշինջաղյան փողոցի բնակիչների խոսքով` այդ տղամարդը վերջերս ոչ ադեկվատ վարքագիծ է դրսևորում և չի բացառվում, որ նա չի գիտակցել, թե ինչ է անում:
Դեպքի մանրամասները պարզում են իրավապահները:
Դիլիջանում դանակահարել են Պարզ լիճ հանգստյան գոտու փոխտնօրենին. մանրամասներ