ԵՐԵՎԱՆ, 30 հունիսի- Sputnik. Հայաստանի Հանրապետության նախագահ Արմեն Սարգսյանն այսօր աշխատանքային այցով կմեկնի Բելառուսի Հանրապետություն։ Այս մասին տեղեկանում ենք ՀՀ նախագահի պաշտոնական կայքէջից։
Այսօր Բելառուսի մայրաքաղաք Մինսկում կկայանա հունիսի 21-ին մեկնարկած Եվրոպական երկրորդ խաղերի փակման արարողությունը, որին կմասնակցի նաև նախագահ Սարգսյանը։
Նախագահի աշխատանքային այցի շրջանակում նախատեսվում է հանդիպում Բելառուսի Հանրապետության նախագահ Ալեքսանդր Լուկաշենկոյի հետ:
Ինչպես նաև Նախագահը կայցելի գիտական և կրթական մի շարք հաստատություններ: