ԵՐԵՎԱՆ, 27 հունիսի — Sputnik. Հերթը մարզպետներինն է. առաջիկայում որոշ մարզպետներ հրաժեշտ են տալու իրենց պաշտոններին։ Այս մասին գրում է «Հրապարակ» թերթը։
Նիկոլ Փաշինյանը շնորհակալություն հայտնեց կառավարությունը լքող պաշտոնյաներին
«Այսօր ԱԺ «Իմ քայլը» խմբակցությունը խորհրդարան է հրավիրել ՀՀ մարզպետներին։ Նրանք, այսպես կոչված, գորգի վրա կպատասխանեն իշխող խմբակցության ներկայացուցիչների հարցերին։ Ըստ նախնական լուրերի՝ բոլոր 10 մարզպետներն էլ ներկայանալու են ԱԺ։ Առաջիկայում որոշ մարզպետներ հրաժեշտ են տալու իրենց պաշտոններին»,– գրում է թերթը։
Ըստ պարբերականի` Նիկոլ Փաշինյանը նոր մարզպետացուների փնտրտուքների մեջ է։ «Իշխանությունում հասկացել են, որ այս կոնտինգենտն առաջինը պետք է «վեթինգի» ենթարկվի, որովհետև մարզերից և մարզպետարաններից խայտառակ լուրեր են հասնում մայրաքաղաք»,– նշված է հոդվածում։
Փաշինյանը թվարկեց քրեական գործերով անցնող պաշտոնյաներին
Հիշեցնենք` «վեթինգ» բառը Հայաստանում սկսեցին լայնորեն կիրառել Նիկոլ Փաշինյանի հայտարարությունից հետո։ Վարչապետն ասել էր, որ դատական համակարգում «վիրահատական միջամտության» ժամանակն է, և այդ գործընթացը պետք է արտահայտվի հետևյալ կերպ` Հայաստանի բոլոր դատավորները պիտի «վեթինգի» ենթարկվեն։