ԵՐԵՎԱՆ, 26 հունիսի — Sputnik. Եվրոպայի խորհրդի խորհրդարանական վեհաժողովը (ԵԽԽՎ) չորեքշաբթի մերժեց ուկրաինական պատվիրակության` Ռուսաստանի պատվիրակության լիազորությունների վերաբերյալ բանաձևի նախագծում փոփոխություն կատարելու առաջարկը։ Այս մասին հայտնում է RT–ն։
Փոփոխությամբ նախատեսվում էր չհաստատել Ռուսաստանի լիազորությունները, մասնավորապես առաջարկվում էր ավելացնել «չ» մասնիկը գլխավոր նախադասության մեջ. «Վեհաժողովը որոշում է հաստատել ռուսական պատվիրակության լիազորությունները»։ Նախադասությունը ԵԽԽՎ–ի դիտարկմանն էին ներկայացրել Ուկրաինայի, Մեծ Բրիտանիայի և մի քանի այլ երկրների պատվիրակությունները։
Իրականում ԵԽԽՎ-ում Ռուսաստանին դեմ չեմ քվեարկել. Ռուբեն Ռուբինյանի մեկնաբանությունը
Ըստ RT տելեգրամ ալիքի` ուկրաինացի պատգամավորը հայտարարել է, որ Ուկրաինայի պատվիրակությունը հեռանում է ԵԽԽՎ–ից։
Ավելի վաղ ԵԽԽՎ–ն բանաձև էր ընդունել, որը թույլ է տալիս Ռուսաստանի պատվիրակությանը մասնակցել ամառային նստաշրջանին։ Դրանից հետո ռուսական պատվիրակությունը հայտ էր ներկայացրել ԵԽԽՎ–ում իր լիազորությունները հաստատելու համար, սակայն որոշ պատվիրակություններ վիճարկել էին դա։
Ի՞նչ «տեխնիկական պատճառ» է ԵԽԽՎ-ում սխալ գրանցել հենց Ռուբեն Ռուբինյանի քվեարկությունը