Մանուկյանը հիշում է, որ դեռևս 90-ական թթ-երից կինոյի մասին օրենքի նախագիծ մշակելու փորձեր արվել են, բայց դրանք ոչ մի անգամ հաջողությամբ չեն ավարտվել տարբեր պատճառներով։
Կինոյի, արվեստի և աստղերի աշխարհ․ լուսանկարներ Բեռլինի 69-րդ կինոփառատոնից
«Կինոյի ոլորտը պետք է կարգավորվի օրենսդրորեն, որովհետև կան բազմաթիվ հարաբերություններ՝ կապված կինոարտադրության, կինովարձույթի, համատեղ արտադրության հետ` այն, ինչ այսօր եվրոպական և համաշխարհային կինոյում ընդունված է, որովհետև առանց համատեղ արտադրությունների հնարավոր չէ ունենալ կինոարտադրություն և խոսել կինոյի զարգացման մասին»,- ասում է Մանուկյանը՝ հավելելով, որ օրենքը պետք է կարգավորի պետական ֆինանսավորմամբ կինոարտադրության հարցը։
Նրա խոսքով՝ Հայաստանն այն երկրներից է, որ առանց պետական աջակցության չի կարող խոսել կինոյի զարգացման և կինոյի հեռանկարների մասին։ Օրենքը պիտի նպաստի այդ աջակցությունն ավելի նպատակային օգտագործելու և որոշ կոռուպցիոն ռիսկերը բացառելու հարցերում։
Հիշեցնենք` հունիսի 17-ին ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը «Կինոյի ոլորտում օրենսդրական հնարավոր լուծումների վերաբերյալ» թեմայով խորհրդարանական լսումներ էր նախաձեռնել։
«Հայֆիլմ» կինոստուդիան վարձակալության է տրվում մասնավոր ընկերության