ԵՐԵՎԱՆ, 20 հունիսի – Sputnik. ՀՀ նախագահ Արմեն Սարգսյանը երկու դեսպանի նշանակման հրամանագիր է ստորագրել։ Այս մասին հայտնում է ՀՀ նախագահի մամուլի ծառայությունը։
Հրամանագրերից մեկի համաձայն` Չեխիայի Հանրապետությունում Հայաստանի Հանրապետության արտակարգ և լիազոր դեսպան Աշոտ Հովակիմյանը համատեղության կարգով նշանակվել է Չեռնոգորիայում ՀՀ արտակարգ և լիազոր դեսպան (նստավայրը՝ Պրահա):
Հովակիմյանը Չեխիայում դեսպան էր նշանակվել 2018 թվականի դեկտեմբերի 28-ին։
Մյուս հրամանագրով Ուզբեկստանի Հանրապետությունում Հայաստանի Հանրապետության արտակարգ և լիազոր դեսպան է նշանակվել Արամ Գրիգորյանը (նստավայրը՝ Երևան):
Նշենք, որ դեսպանները նշանակվում են վարչապետի առաջարկով։
Սարգսյանը երկու փաստաթղթերն էլ ստորագրել է այսօր` հունիսի 20-ին։