ԵՐԵՎԱՆ, 20 հունիսի — Sputnik. «Արմենիա Էյրվեյզ» ավիաընկերությունը հունիսի 15-ին իրականացրել է իր առաջին չվերթը Երևան-Թեհրան-Երևան երթուղիով։ Այս մասին հայտնում է Քաղաքացիական ավիացիայի կոմիտեի մամուլի ծառայությունը։
«Տեղեկացնում ենք, որ ավիաընկերությունը հուլիս ամսվա ընթացքում նախատեսում է ձեռք բերել իր երկրորդ օդանավը», – նշվում է հաղորդագրությունում։
Ինչպես ավելի վաղ հայտնել էր ընկերության գլխավոր տնօրեն Առլեն Դավուդյան–Զարնային, ընկերությունը ներկա պահին ունի մեկ գործող ինքնաթիռ` British Aerospace (BAe 146), բացի այդ՝ ամեն քաղաքում չէ, որ պատրաստ են այդ տեսակի ինքնաթիռներ ընդունել։ Ավիաընկերությունը երկրորդ ինքնաթիռ կունենա մինչև օգոստոսի վերջ։ Ավիաընկերության ղեկավարությունը ծրագրում է ավելացնել չվերթերի հաճախականությունը և նոր ուղղություններ բացել։