ԵՐԵՎԱՆ, 18 հունիսի — Sputnik. Քիչ առաջ պայթյուն է տեղի ունեցել Վայոց ձորի մարզում:
Եղեգնաձոր քաղաքի սկզբնամասում գտնվող գազալցակայանում պայթյուն է որոտացել: Նախնական տվյալներով՝ տուժածներ չկան. միայն շինությունն է վնասվել:
Պայթյուն Վայոց ձորում. գլանանոթը պայթել է ու ավերել տարածքը. լուսանկար
© Sputnik / Stringer
Լիցքավորողը մի քանի մետր հեռու՝ բենզալցակայանի մոտ է կանգնած եղել, երբ թթվածնային գլանանոթը պայթել է ու ավերել տարածքը:
Ըստ դեպքի վայրում հավաքվածների՝ հաճախորդներից մեկինն է եղել, որն այն բերել էր լիցքավորման ու հեռացել:
Այս պահին տեղում աշխատում են ոստիկաններն ու հրշեջ-փրկարարները: