ԵՐԵՎԱՆ, 18 հունիսի — Sputnik. ՀՅԴ–ի առաջարկն է եղել հանդիպել ու քննարկել երկրի ներքին ու արտաքին մի շարք հարցեր։ Այսօր Ազգային ժողովում լրագրողների հետ ճեպազրույցում այս մասին ասաց «Բարգավաճ Հայաստան» կուսակցության ղեկավար Գագիկ Ծառուկյանը։
«Նրանք դիմել էին, որ հանդիպենք ու քննարկենք երկրի տնտեսական, քաղաքական վիճակին, ինչպես նաև Արցախին առնչվող մի շարք հարցեր։ Ես էլ ասեմ եմ, որ պատրաստ եմ հանդիպել ու լսել նրանց տեսակետը, մեր կարծիքը հայտնել»,–ասաց Ծառուկյանը։
Հիշեցնենք, որ երեկ ՀՅԴ Հայաստանի Գերագույն մարմնի նախաձեռնությամբ «Բարգավաճ Հայաստան» կուսակցության ղեկավարության հետ տեղի է ունեցել հանդիպում։
Գագիկ Ծառուկյանը կրկին հարցաքննության է հրավիրվել
Քննարկվել էր փոխադարձ հետաքրքրություն ներկայացնող հարցերի լայն շրջանակ, մասնավորապես անդրադարձ է կատարվել ներքաղաքական եւ արտաքին քաղաքական ներկայիս իրավիճակին ու ընթացիկ զարգացումներին: Կողմերը ծանոթացել էին քաղաքական հետաքրքրություն ներկայացնող հարցերի վերաբերյալ երկուստեք առկա դիրքորոշումներին: