ԵՐԵՎԱՆ, 16 հունիսի — Sputnik. Հալիձոր գյուղին հարակից տարածքում տեղի է ունեցել սողանք։ Այս մասին տեղեկանում ենք ՀՀ արտակարգ իրավիճակների նախարարությունից։
ԱԻՆ–ը դիմել է քաղաքացիներին` հորդորելով հունիսի 16-18–ը չայցելել «Սատանի կամուրջ»։
«Հարգելի քաղաքացիներ, խնդրում ենք, անվտանգության նկատառումներից ելնելով, հունիսի 16-18-ն ընկած ժամանակահատվածում չայցելել «Սատանի կամուրջ» կոչվող գոտի: Հալիձոր գյուղի հարակից տարածքում սողանքի ակտիվացման հետևանքով հողազանգվածը փակել է Որոտան գետի հունը»,–նշված է ԱԻՆ–ի հաղորդագրության մեջ:
Ի դեպ, սողանքային գոտուց մինչև «Սատանի կամուրջ» կոչվող հատվածը կազմում է 1.5-2 կմ:
Փրկարարները սահմանազատել են տարածքը: Կտրվի լրացուցիչ տեղեկություն: