ԵՐԵՎԱՆ, 16 հունիսի — Sputnik. Հայաստանի ֆուտբոլի հավաքականի 25-ամյա հայ հարձակվող, «Հոֆենհայմի» նորեկ Սարգիս Ադամյանն իր գերմանացի ընկերուհու` մոդել Աննա Վիլկենի հետ մեկնել է Հունաստան հանգստի։
Սիրահարները Instagram–ի իրենց բաժանորդներին լուսանկարների միջոցով պարբերաբար «տեղեկացնում» են, թե ինչքան հաճելի ժամանակ են անցկացնում։
Յուրաքանչյուր նկարի տակ Աննայի ռոմանտիկ մեկնաբանությունն է այն մասին, թե ինչքան շատ է նա սիրում Սարգսին ու ինչ կարևոր տեղ ունի տղան իր կյանքում։
Զույգն, ի դեպ, Կրետեի Daios Cove Luxury Resort & Villas հյուրանոցն է ընտրել, որտեղ ամենամատչելի սենյակի օրավարձը 417 դոլար է։
Նշենք, որ Հայաստանի ազգային հավաքականի հարձակվող Սարգիս Ադամյանը երկրորդ Բունդեսլիգայում հանդես եկող «Յան Ռեգենսբուրգի» կազմում դարձավ 15 գոլի ու 11 գոլային փոխանցման հեղինակ: Ադամյանն արժանացել է «Յան Ռեգենսբուրգի» լավագույն ռմբարկուի մրցանակին: