ԵՐԵՎԱՆ, 14 հունիսի — Sputnik. ԱՄՆ–ի նախագահ Դոնալդ Թրամփը պատահմամբ Ուելսի արքայազն Չարլզին անվանել է «կետերի արքայազն»։ Այդ վրիպակը նկատել են ամերիկյան և բրիտանական ԶԼՄ–ները։
Ինչպես հաղորդում է The Times թերթը, Թրամփը Ուելսի արքայազն (Prince of Wales) գրելու փոխարեն գրել է «կետերի արքայազն» (Prince of Whales):
Սխալ թվիթն արագորեն հեռացրել են, բայց համացանցում արդեն տարածվել են #princeOfWhales հեշթեգով հաղորդագրություններ։
Նշենք, որ Թրամփը հունիսի 3-5–ը պաշտոնական այց էր կատարել Մեծ Բրիտանիա։