ԵՐԵՎԱՆ, 14 հունիսի — Sputnik. Արցախում ուշագրավ դեպք է տեղի ունեցել. 7 տարեկան աղջիկը դանակով հարվածել է 5 տարեկան քրոջը։ Այս մասին տեղեկանում ենք Արցախի Հանրապետության ոստիկանությունից։
«ԱՀ ոստիկանության Քաշաթաղի շրջանային բաժնի ծառայողները պարզել են, որ հունիսի 12-ին ժամը 10:00-ի սահմաններում Քաշաթաղի շրջանի Բերձոր քաղաքի բնակչուհի, 2012թ. ծնված Ե. Գ -ն դանակով հարվածել է քրոջը՝ 2014թ. ծնված Ք. Գ-ին։ Դեպքը տեղի է ունեցել իրենց տան հյուրասենյակում»,–նշված է ոստիկանության հաղորդագրության մեջ։
5 տարեկան աղջիկն աջ նստատեղի կտրած վերք ախտորոշմամբ տեղափոխվել է բուժհաստատություն։
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: