ԵՐԵՎԱՆ, 12 հունիսի – Sputnik. Մեր տեղեկություններով՝ այս գիշերվանից Կոտայքի ոստիկանները որոնում են Մայակովսկի գյուղում ապրող 15-ամյա մի աղջկա։
Գյուղի միջնակարգ դպրոցի 10-րդ դասարանում սովորող աղջիկը երեկ գործով գնացել է Աբովյան քաղաք ու տուն չի վերադարձել։ Ծնողները, հարազատները պարբերաբար զանգահարել են նրան, բայց զանգերն անպատասխան են մնացել։
Մի քանի ժամ անց աղջկա հեռախոսն անհասանելի է դարձել, հարազատներն էլ դիմել են իրավապահների օգնությանը։
Այժմ համատեղ աշխատանք է տարվում րոպե առաջ աղջկան գտնելու համար։ Այլ նորություններ մեզ հայտնի դառնալու դեպքում հավելյալ կտեղեկացնենք։