ԵՐԵՎԱՆ, 11 հունիսի — Sputnik. Հայտնի դերասանուհի Անժելա Սարաֆյանը որոշել է հրապարակել իր մանկության տարիների լուսանկարներից մեկը։
«Մայրս ու ես», – լուսանկարին կից գրել է նա։
«Վայրի Արևմուտքի աշխարհը» հեռուստասերիալում Սարաֆյանի գործընկեր հայտնի դերասանուհի Թենդի Նյութոնը լուսանկարի տակ գրել է. «Աստված իմ, օգնեք։ Փոքրիկ Անջին»։ Մեկնաբանության կողքին էլ 3 սրտիկ է ավելացրել։
Անժելայի էջի բաժանորդները նկատել են դերասանուհու և մոր նմանությունը։ Շատերը նշել են, որ Սարաֆյանի մայրը հիանալի տեսք ունի, իսկ փոքրիկ Էնջին իր ամառային զգեստով դանիացի նավաստու է նման։
Ավելի վաղ Սարաֆյանը որոշել էր «վերադառնալ» խորհրդային Հայաստան և ներկայացել 80-ականներին նորաձև համարվող հագուստով։