ԵՐԵՎԱՆ, 11 հունիսի — Sputnik. Հայաստանը զբաղեցրել է երրորդ տեղն ամառվա կեսին ճանապարհորդությունների համար ամենապահանջված արտասահմանյան ուղղությունների շարքում։ Այդ մասին հաղորդում է Ozon.travel–ը։
Օնլայն ծառայությունը վերլուծել է մեծ պահանջարկ վայելող երկրներ մեկնելու տոմսերի արժեքն արձակուրդների թեժ սեզոնին` հուլիսին։
Առաջին տեղը զբաղեցրել է Վրաստանը։ Այնտեղ նախընտրում է մեկնել զբոսաշրջիկների 11 տոկոսը։
Երկրորդ տեղում է Իտալիան, ուր մեկնում է ճանապարհորդների 8 տոկոսը։
Հայաստանն ընտրում է ճանապարհորդների 7 տոկոսը, թեև տոմսերն անցած տարվա նույն շրջանի համեմատ թանկացել են 19 տոկոսով և միջինում արժեն 8 600 ռուբլի։
Չորրորդ և հինգերորդ տեղում են Իսպանիան և Մոնտենեգրոն։