Նրա խոսքով` օրինագծում ներկայացված է, թե երկիրն ինչ իրավունքներ կարող է ունենալ ծովային ոլորտում, ինչպես նաև մանրամասնում է նավերի գրանցման կարգը, գրանցումից հանելը, դրոշ-պետություն հարաբերությունները և, ընդհանուր առմամբ, այն, ինչ վերաբերում է ջրային տրանսպորտին, նավարկելի ջրային տարածքներին։ Պատգամավորի հեղինակած փաստաթուղթը բավականին ծավալուն է՝ մոտ 200 էջ։
«Սա լինելու է ծովային օրենսդրության հիմնարար փաստաթուղթը, բայց դրան պետք է հաջորդեն նաև այլ գործողություններ, որոնցով պետք է զբաղվի գործադիր իշխանությունը»,-նշում է Փամբուխչյանը։
Ըստ Արմեն Փամբուխչյանի, ընդհանուր գաղափարն այն է, որ ՄԱԿ-ի կոնվենցիայով Հայաստանն իրավունք ունի սեփական դրոշով նավ ունենալ։
«Ծովային օրենսդրությունն ունի հիմնականում տնտեսական ու ռազմավարական նշանակություն»,-ընդգծում է «Իմ քայլի» պատգամավորը։
Ըստ Փամբուխչյանի` ծովային օրենսդրության պարագայում հայկական դրոշով նավը կարող է անարգել նավարկել տարբեր երկրների ջրային տարածքներում։