Գալոյան․ «Երբ ասում ես ծրագիր, Հայաստանում բոլորը հասկանում են լավ գրված կենացի տեքստ»
© Sputnik
Ես այդպես էլ չիմացա, թե որտե՞ղ է քննարկվել կառավարության ծրագիրը, ովքե՞ր են մասնակցել այդ քննարկումներին, ովքե՞ր են գնահատել, մասնագետներն ու գործարար աշխարհը ի՞նչ կարծիքի են եղել այդ ծրագիր մասին։ Sputnik Արմենիայի հետ զրույցում անկեղծացել է տնտեսագետ Արա Գալոյանը։
«Չգիտես ինչու, երբ ասում ես կառավարության ծրագիր, Հայաստանում բոլորը հասկանում են լավ գրված կենացի տեքստ։ Իսկ կենաց գրել այս տարածաշրջանում գիտե՞ք երբվանից գիտեն»,- նշել է տնտեսագետը։
Ըստ Գալոյանի՝ չի հասկացվում, թե կառավարությունը ինչ ուղղությամբ է գնում։ Չի երևում, թե տնտեսության իրական հատվածի հետ ինչ է ցանկանում անել կառավարությունը, ինչ ճյուղեր է ուզում զարգացնել, ինչն է խթանելու։