ԵՐԵՎԱՆ, 2 հունիսի — Sputnik. Instagram-ի աստղ ու թրևլ բլոգեր Կինսի Վոլանսկին Չեմպիոնների լիգայի եզրափակիչի «Լիվերպուլ»-«Տոտենհեմ» խաղի ժամանակ Մադրիդում խաղադաշտ է մտել։
Վազելու ընթացքում նա փորձում էր հանել իր վրա մնացած հագուստը, բայց նրան չհաջողվեց դա անել։
Նա «Vitaly uncensored» (պրանկերների խումբ է, որը «կատակում» է մարդկանց հետ՝ հանվելով հանրայն վայրերում) գրությամբ լողազգեստով էր։
Դատավորը դադարեցրել է խաղը։ Անվտանգության ծառայության աշխատակիցները արագ բռնել են ֆուտբոլասեր աղջկան ու հեռացրել խաղադաշտից։ Դրանից հետո խաղը վերականգնվել է։
Մեկ գիշերվա ընթացքում Instagram-ում նրա բաժանորդների թիվն ավելացավ 1,4 միլիոնով։ Մեծ թիվ է՝ հաշվի առնելով, որ մինչ այդ նա 430 բաժանորդ ուներ։
Ի դեպ, Կինսին Instagram-ում բավականին հայտնի է։ Նա Բիլզերյանի «աղջիկներից» է, շրջում է պոկերի արքայի հետ, լուսանկարվում է լողազգեստով ու գովազդում Դենի ապրանքները։
Մանավորապես համացանցում բազում լուսանկարներ կան Ignite-ի խորհրդանիշներով։ Դա Բիլզերյանի մարիխուանա արտադրող ընկերությունն է։