ԵՐԵՎԱՆ, 31 մայիսի — Sputnik. Գյումրիում բնակվող մեր աղբյուրի փոխանցմամբ այսօր՝ մայիսի 31-ին արտառոց դեպք է տեղի ունեցել քաղաքի Անի թաղամասի 7-րդ փողոցի 5-րդ շենքում։
Դատական ակտերի հարկադիր կատարման ծառայության աշխատակիցները ոստիկանների հետ եկել են հիշյալ շենքի բնակարաններից մեկը վտարման գործողություն իրականացնելու։
Այդ ժամանակ տանը բնակվողներից 33-ամյա մի կին վրդովված վիճակում դանակով փորձել է ինքնասպան լինել։
Նրա այդ ծայրահեղ մտադրությունը կանխել են բնակարանում գտնվող ոստիկանները, որոնք կնոջ ձեռքից խլել են դանակը։
Մեր տեղեկություններով՝ վտարման գործողությունը նրա այդ քայլից հետո դադարեցվել և հետաձգվել է։