Հանրահայտ ֆրանսահայ երգչուհի Ռոզի Արմենը հյուրընկալվել է Sputnik Արմենիա ռադիոկայանի տաղավարում և խոսել տարբեր թեմաներով։ Ռոզի Արմենը խոսել է նաև իր և ֆրանսահայ հայտնի շանսոնյե Շառլ Ազնավուրի հարաբերութունների մասին։
«Ես ճիշտը պիտի ասեմ՝ Շառլ Ազնավուրի ընկերը չեմ եղել։ Ես իրեն էի ճանաչում, ինքը՝ ինձ, բայց մեր ճամփաները տարբեր էին․ ամեն մեկն իր համերգներով, իր ճամփաներով։ Իհարկե, երբեմն հանդիպում էինք»,-անկեղծացել է Ռոզի Արմենը։
Նա պատմել է, որ 2015թ-ին, երբ հրավիրված էր Կանն, որտեղ Ցեղասպանության 100 -ամյակի միջոցառումն էր անցկացվում, և որին մասնակցում էր նաև Շառլ Ազնավուրը, ներկաներից մեկը այդ ժամանակ հարցրեց Շառլին՝ ճանաչո՞ւմ ես Ռոզի Արմենին։
Հարցին ի պատասխան Ազնավուրը պատասխանել է․ «Եվ ճանաչում եմ և չեմ ճանաչում Ռոզի Արմենին»,- պատմել է երգչուհին։