ԵՐԵՎԱՆ, 30 մայիսի — Sputnik. Արարատի Նորամարգ գյուղի տներից մեկում տեղի ունեցած պայթյունի մեջ կասկածվում է տան կնոջ նախկին ամուսինը։ Ոստիկանության ծառայողները որոնում են հիվանդանոց տեղափոխված կնոջ նախկին ամուսնուն` 60–ամյա տղամարդուն։
Տղամարդը մահացել է, կնոջ վիճակը ծայրահեղ ծանր է
Sputnik Արմենիային նոր մանրամասներ են հայտնի դարձել քիչ առաջ տեղի ունեցած պայթյունի դեպքից։ Ըստ գյուղում շրջանառվող որոշ տեղեկությունների՝ Էրեբունի բժշկական կենտրոն տեղափոխված տան տղամարդն ու նրա կինը գտնվում են ծայրահեղ ծանր վիճակում։ Բժիշկները պայքարում են նրանց կյանքի համար։
Մեր տեղեկություններով՝ պայթյունի ժամանակ տանն են եղել նաև հիվանդանոց տեղափոխված տղամարդու հարսը, որը հղի է, ինչպես նաև նրա մեկամյա աղջիկ երեխան։ Նրանք նույնպես ստացել են բեկորային վնասվածքներ և գտնվում են վերակենդանացման բաժանմունքում։
Ինչպես արդեն տեղեկացրել էինք, այսօր Արարատի մարզի Նորամարգ գյուղի տներից մեկում նռնակ է պայթել։ Տան անդամները ծայրահեղ ծանր վիճակում տեղափոխվել մայրաքաղաքի տարբեր հիվանդանոցներ։