ԵՐԵՎԱՆ, 30 մայիսի — Sputnik. Ուկրաինայի Ռովենի շրջանում ուղղաթիռի վթարի հետևանքով մահացել է չորս մարդ։ Այդ մասին Facebook–ի իր էջում հաղորդում է Ուկրաինայի ԶՈՒ ցամաքային զորքերի մամուլի ծառայությունը։
Միջադեպը տեղի է ունեցել մայիսի 29–ի երեկոյան։ Ուղղաթիռը կործանվել է ուսումնամարզական թռիչքի ժամանակ։ Մահացածների շարքում ավիացիոն բրիգադի հրամանատար կա։
Վթարի պատճառները դեռ հայտնի չեն։ Հետաքննության համար վթարի վայր հանձնաժողով են ուղարկել Ուկրաինայի պաշտպանության նախարարությունից, գլխավոր շտաբից և ԶՈՒ ցամաքային զորքերի հրամանատարությունից։