ԵՐԵՎԱՆ, 29 մայիսի — Sputnik. ԵԱՏՄ–ում նախագահող Հայաստանի վարչապետ Նիկոլ Փաշինյանը հայտարարություն է արել Սինգապուրի հետ համագործակցության վերաբերյալ։
«Կարևոր է այս տարի Սինգապուրի հետ փաստաթղթերի փաթեթի ստորագրումը։ Հուլիսին մտադիր եմ Սինգապուր այցելել և անել հնարավոր ամեն բան այդ ուղղությամբ առաջընթաց արձանագրելու համար», – ասել է Փաշինյանը Եվրասիական տնտեսական բարձրագույն խորհրդի նիստում, որն այսօր անցկացվում է Նուր–Սուլթանում։
Նիստի արդյունքում ստորագրվել են փաստաթղթեր, որոնց հարցում կոնսենսուս է ձեռք բերվել։ ՀՀ վարչապետը նաև հայտնել է, որ ԵԱՏՄ հաջորդ նիստը կկայանա Երևանում 2019 թվականի հոկտեմբերի 1-ին։