ԵՐԵՎԱՆ, 27 մայիսի — Sputnik. ՀՀ վարչապետ Նիկոլ Փաշինյանի կինը` Աննա Հակոբյանը, պատրաստ է հրաժարվել ակտիվ գործունեությունից, եթե այդպես ցանկանա հայ հասարակությունը։ Այդ մասին նա ասաց այսօր հրավիրված ասուլիսի ժամանակ։
Հակոբյանը նշեց, որ ամուսնու հետ իր շրջագայությունները բյուջեի հաշվին չեն լինում և լրացուցիչ ռեսուրսներ չեն պահանջում։ Միաժամանակ նա նշեց, որ նախորդ իշխանության ներկայացուցիչների կանայք էլ են այդ հնարավորությունն ունեցել, բայց ինքը չգիտի` ինչու դա չեն արել։
«Ես իմ ամուսնուն շատ եմ սիրում: Իմ շրջագայությունները նաև շատ են ստացվում, որովհետև ի տարբերություն նախորդների, ես այլ գործունեություն էլ եմ վերցրել ինձ վրա», – ասա Հակոբյանը։
Միաժամանակ նա ասաց, որ իր համար բարդ է երկար ժամանակով բաժանվել ընտանիքից, փոքր աղջկանից և սիրելի աշխատանքից` հիմնադրամների գործունեության շրջանակում ուղևորությունների համար։
«Ես հենց այնպես չեմ գնա ինչ–որ տեղ, եթե դա կարևոր չլինի կամ օգուտ չբերի Հայաստանին», – նշեց նա։
Վարչապետի կինը նշեց, որ ԱՄՆ կատարած շրջագայության վրա ծախսվել է 10 միլիոն դրամ, բայց հավաքվել է 774 միլիոն դրամ` «City of smile» և «Իմ քայլը» հիմնադրամների աշխատանքի համար։
Նա խոստովանեց, որ կարոտում է հին աշխատանքը և մտադիր է հունիսն անցկացնել թերթի խմբագրությունում։
Նշենք, որ Աննա Հակոբյանը գլխավորում է «Իմ քայլը» և «City of smile» հիմնադրամների հոգաբարձուների խորհուրդը։