ԵՐԵՎԱՆ, 27 մայիսի — Sputnik. ՀՀ առողջապահության նախարար Արսեն Թորոսյանը Facebook սոցիալական կայքի իր էջում «լայվ է մտել» ուղղաթիռի միջից։
«Մեկնում ենք Սյունիքի բիզնես ֆորումին»,– գրել է Թորոսյանն ու ցուցադրել հայկական լեռնաշխարհի գեղեցիկ բնապատկերները։
Նշենք, որ ՀՀ տարածքային կառավարման և զարգացման նախարարության նախաձեռնությամբ հանրապետության բոլոր մարզերում մեկնարկել է «Իմ քայլը հանուն ... մարզի» ներդրումային բիզնես-ծրագրերի համաժողովների անցկացումը։ Դրանց նպատակն է մարզերի տնտեսության և համայնքների զարգացման գործընթացներում ներգրավել Հայաստանում կամ արտերկրում գործունեություն ծավալող գործարարներին:
Այսօր գործարար համաժողով կանցկացվի Սյունիքում, որին կմասնակցի նաև ՀՀ վարչապետ Նիկոլ Փաշինյանը։