ԵՐԵՎԱՆ, 23 մայիսի — Sputnik. Այսօր՝ մայիսի 23-ին, խոշոր ավտովթար է տեղի ունեցել Արարատի մարզում։ 5 հոգու մարմնական վնասվածքներով տեղափոխել են Արարատի բժշկական կենտրոն։ Այս մասին հայտնում է shamshyan.com–ը։
Վթարը տեղի է ունեցել առավոտյան ժամը 09։30-ի սահմանում` Արարատ քաղաքի Երկաթուղայինների և Սպանդարյան փողոցների խաչմերուկում։
Փոքրիկների «ծեծկռտուք» Երևանում. 1.5 տարեկան տղան քերծվածքներով տեղափոխվել է հիվանդանոց
«Իրար են բախվել Mercedes E 320 և Hyundai Azera մակնիշների ավտոմեքենաները։ Վիրավորներին առաջինը օգնության են հասել ՊՆ Արարատի ռազմական ոստիկանության բաժնի ծառայողներն ու քաղաքացիները։ Մարմնական վնասվածքներով 5 հոգի տեղափոխվել են Արարատի բժշկական կենտրոն»,–նշված է կայքում։
Վիրավորներից երկուսը տեղափոխվել են Երևանի «Էրեբունի» բժշկական կենտրոն։ Նրանցից մեկի վիճակը ծայրահեղ ծանր է։
Ավտովթար Երևանում. երթևեկությունը կաթվածահար է եղել. լուսանկարներ