ԵՐԵՎԱՆ, 23 մայիսի — Sputnik. Ուկրաինացի երգչուհի, հաղորդավարուհի, երգերի հեղինակ Սվետլանա Լոբոդան չի մասնակցի «Ձայնը. երեխաներ» շոուի հատուկ թողարկմանը, որը կկայանա ուրբաթ։ Այս մասին հայտնում են ռուսական ԶԼՄ–ները։
Ծրագրին մասնակցելու են եզրափակիչ անցած երեխաներն ու նրանց մարզիչները։ Լոբոդան Ալսուի դստեր` Միկելա Աբրամովայի մարզիչն էր։
Մայիսի 16–ին հայտնի է դարձել, որ Առաջին ալիքը չեղարկել է «Ձայնը. երեխաներ» վեցերորդ եթերաշրջանի արդյունքները։ Եզրափակիչում հաղթել էր Միկելա Աբրամովան։ Հայտնի է դարձել, որ ձայները կեղծիքի միջոցով են ավելացվել, հեռուստաալիքը հայտարարել է, որ մայիսի 24–ին կրկնակի եզրափակիչ է անցկացվելու։
Հիշեցնենք, որ Ալսուի դուստրը` Միկելա Աբրամովան, մեծ տարբերությամբ հաղթել էր մրցույթի եզրափակիչ փուլում, բայց համացանցում կասկածի տակ էին դրել մրցույթի արդյունքները։ Քննարկումները վերածվել էին սկանդալի։