Քաղաքագետ Սուրեն Սուրենյանցը Sputnik Արմենիայի եթերում մեկնաբանում է, թե ինչով է պայմանավորված ուժային կառույցների նկատմամբ հանրության այդպիսի վերաբերմունքը։
«Ուժային կառույցների ղեկավարների բարձր հեղինակությունն օրինաչափություն է՝ կապված հեղափոխական իրավիճակի հետ»,-կարծում է Սուրենյանցը։
Ըստ քաղաքագետի`մի փոքր այլ է պաշտպանության նախարարի պարագայում, քանի որ բանակը Հայաստանում համարվել է ամենակայացած ինստիտուտը նաև մինչև հեղափոխությունը, և պաշտպանության նախարարները հիմնականում մեծ վստահություն են վայելել հանրության շրջանում։
«Ինչ վերաբերում է ԱԱԾ-ին ու ոստիկանությանը, ապա պետք չէ մոռանալ, որ հեղափոխությունից հետո հենց այդ երկու կառույցներն էին սպասարկում հեղափոխության օրակարգը, մասնավորապես հակակոռուպցիոն գործունեությունը»,-նշում է Սուրեն Սուրենյանցը։
Քաղաքագետի խոսքով, այս երևույթը կապված է հետհեղափոխական իրավիճակի հետ և հնարավոր է, որ ժամանակի ընթացքում այդ վարկանիշները փոփոխության ենթարկվեն։